立法會投票記

我問隊長尋日有無投票，佢話無心水所以無投。我話早知叫你投公民袋同龐一鳴啦！隊長話你早兩日打俾我嘛!
我即刻同佢上返堂公民教育，傻啦，呢啲野唔可以俾人影響架，唔係人地叫你投乜就投乜，果唔係呢啲就係做假。

我再問隊長，你無投長毛咩？(隊長係第一代長毛支持者)。佢即刻面露尷尬，無啦…都唔知佢做乜…
其實我都要同你道歉，當年我唔應該笑你投俾長毛，其實長毛真係唔錯。
隊長即刻懶醒，緊係啦，我一早就知佢做得野先投佢~
咁你當年點解會投俾佢？我問。
立法會咁悶，加長毛係入面幾好玩呀~隊長天真地笑道。

香港，勝在有搞事師奶…