Banana Muffin

材料：
低筋麵粉 ------ 130g
高筋麵粉 ------ 190g
or 自發粉------  240g
原味乳酪 ------ 60g
淡忌廉 --------- 60g
泡打粉　 ------ 3g
梳打粉　 ------ 2g
蜜糖　　 -------60g (optional)
鹽　　　 --------1/8tsp
牛油　 -------- 100g
雲呢拿油　 ------1/2tsp
糖　　　 --------70g
蛋　　　 ------- 2隻
蕉　　 ------- 2隻

做法 :

1) 預熱焗爐180°C，在蛋糕模內掃牛油
2) 糖及牛油全蛋液拌勻打至淡黃呈現乳霜狀態
3) 逐隻逐隻蛋加入拌勻
4) 加入乳酪、雲呢拿油及淡忌廉拌勻
5) 加入蜜糖拌勻
5) 將所有粉類一起過篩加入用膠刮攪拌至無乾粉狀
6) 把香蕉加入搞伴
7) 放入焗爐中烘烤30分鐘後取出

留一手

以前時時聽說師傅教徒弟總會留一心的陰謀論。我不信。直至早兩天請教清潔特攻隊隊長如何煮可樂雞翼後，我終於明白何解會有"留一手"的說法。

話說很早已請教隊長如何煮可樂雞翼，隊長說：好簡單架咋！煎好啲雞翼加埋啲可樂去煮就搞掂！

回家同友人報告，友人溫馨提示可樂雞翼好易整到苦。聽罷友人意見回到總部後再隊長求證。

Pizza：唔夠甜咪苦囉！
我　 ：但係隊長話一罐可樂就搞得掂，唔洗加其他野架喎！
隊長：係架，唔洗架！
我　：咁點解啲人話苦既？
隊長：唔夠甜囉！
我　：咁你平時點整架？
隊長：加冰糖。
我　：…
我　：你又話咩都唔洗加，只係加可樂就ok(-__-")
隊長：係架！咩都唔洗加，一罐可樂就ok！
我　：咁你又話加冰糖？
隊長：係架！要加冰糖架！
我　：玩野呀!?

事實證明，師傅唔係有心要留一手，好可能佢真係留左手都唔知…

同居二三事

與朋友同居不是未曾試過，但前密友個性跟男生沒兩樣，害得我天天要等門或像個女人仔致電發短信詢問會否回家或該否"煮定飯"等門。

舊人去，新人來。

新同屋住是個非常典型的賢妻。除了時時短信問問我的動向外，每每回家都驚覺家裡粒麈不染。有時人在外又會想到家中有人等門會急急腳趕回家，開始明白做丈夫的感覺。。。

某夜，我們躺在床上，在漆黑寧靜的環境裡聊天。

我搬黎同你住，你會唔會唔慣？她問。

少少啦，最唔慣屋企執到咁乾淨，除左特攻隊突襲外真係未試過。

她聽罷嬌呻道：咁你而家鍾唔鍾意咁呀？你鍾唔鍾意咁乾淨？

 

“鍾意”一詞硬塞在喉嚨中，我不是唔鍾意，而係如果答“鍾意”成件事就基味濃之餘，我更會由女角身份一躍成為男人。立刻聯想到自己"田"係床度擔住枝事後煙的情景就打住了。撐遠了，經過一輪思想整合後，我選擇了一個不失大體又含蓄的回應：乾淨都唔錯呀。

我又記起以往只有我Cher 花肥、Miss 3，估唔到如今風水輪流轉。
 

秋季大旅行

其實我真係唔係Childen Lover type，但係Hei Hei 同nut nut真係好可愛~

而家啲小朋友真係好大膽＠＠

識得我耐既朋友都知，其實我係獨家村，平時都唔係好好一大堆人既活動，間唔使一次兩次都ok。估唔到今次發掘到同事好多不同既一面。

立法會投票記

我問隊長尋日有無投票，佢話無心水所以無投。我話早知叫你投公民袋同龐一鳴啦！隊長話你早兩日打俾我嘛!
我即刻同佢上返堂公民教育，傻啦，呢啲野唔可以俾人影響架，唔係人地叫你投乜就投乜，果唔係呢啲就係做假。

我再問隊長，你無投長毛咩？(隊長係第一代長毛支持者)。佢即刻面露尷尬，無啦…都唔知佢做乜…
其實我都要同你道歉，當年我唔應該笑你投俾長毛，其實長毛真係唔錯。
隊長即刻懶醒，緊係啦，我一早就知佢做得野先投佢~
咁你當年點解會投俾佢？我問。
立法會咁悶，加長毛係入面幾好玩呀~隊長天真地笑道。

香港，勝在有搞事師奶…

杏仁脆片 tuile 1

一字是法文瓦片的意思。傳統上這種精緻的薄片餅乾在一出爐的時候就放在圓筒狀的物體上輕壓成彎彎的形狀，像瓦片一樣，因而得其名。最常用來裝飾法式甜點或是配茶和咖啡吃。

材料：
蛋白　 　------3個
糖　 　　------60g
菜油　　 ------40g
低筋麵粉 ------30g
杏仁片　 ---- 200g





做法:
1) 將蛋白、糖、菜油及低粉混合至無粉
2) 加入杏仁片輕輕搞伴，小心不要弄碎杏仁片。
3) 技巧在將麵糊鋪平的地方. 多練習幾次就可以弄得很薄很薄
4) 焗爐預熱 150C，焗15分鐘，看起來成固體狀漂亮的淡棕色

蜂蜜曲奇

材料：
蛋黃　　------3個
糖　　　------30g
蜂蜜　　-----50g
無鹽牛油 ------80g
低筋麵粉 ------180g
鹽　　　 ------少許










做法：
1) 牛油室温軟化後，用打蛋器打散。
2) 加入砂糖，用打蛋器打至顏色略白。
3) 分三次加入三蛋黃。每一次都要完全攪拌到蛋黄和牛油混合再加下一次。
4) 加入鹽，攪拌均匀。
5) 加入蜂蜜(此時不需攪拌)。
6) 倒入低筋麵粉。
7) 用刮刀翻拌均匀，成為麵糊。
8) 把麵糊用170度20分鐘左右即可。

Apple crumble 蘋果金寶

老師突然提議要學Apple crumble，所以立即上網搵食譜。第一次整crumble，估唔咁好味:)

蘋果餡

青蘋果 ----- 4個 (青蘋果較紅蘋果爽)
牛油　 ----- 50g
砂糖　 ----- 40g
肉桂粉 ----- 適量

1) 青蘋果去皮去籽，切角。
2) 用細火煮溶砂糖，加牛油，加入青蘋果煮約4-5分鐘。
3) 灑上適量的肉桂粉，如蘋果太多水，可再煮一會略為收乾水份。

Crumble
牛油　 ----- 25g
幼砂糖 ----- 25g
低筋麵粉　50g

1) 牛油不需溶掉，從冰箱取出適當份量便可。切粒。
2) 三種材料混合，然後用手指慢慢搓均成粉粒狀。如牛油已溶掉，造成粉團太粘手，可以座冰水，或放入冰箱雪一會再搓。
3) 蘋果餡放在焗杯內，再舖上Crumble，放入180度預熱焗爐內，烘焙至Crumble面成金黃色。

Tasting Tips: Apple Crumble暖食最好，配一球vanilla 雪糕更好，仲可以加d Nuts。

食譜:Aminn

反國民教育

 

坐以待斃，聽天由命，亦唔係出路。

所以，香港人要走出來。